- СИА корреспонденыгар дьахталлар сүүмэрдэммит хамаандаларын эппиэттээх тренерэ Яна Захарова: «Бэлэмнэнии былаан быһыытынан барар. Мадьынылар бары «Триумф» комплекс гостиницатыгар олороллор. Күҥҥэ иккитэ — сарсыарда уонна киэһэ – эрчиллэбит, – диэтэ. Кини эппитинэн, Саха сирин хамаандатыгар сүүмэрдээһин өрөспүүбүлэкэтээҕи уонна Россиятааҕы күрэхтэһиилэр түмүктэринэн ыытыллыбыт. «Аан дойду чемпионатыгар бастыҥтан бастыҥнар кыттыахтара», – диэн кини эбэн эттэ.
- Россия уонна Саха сирин чемпиона Павел Черноградскай күрэхтэһиигэ бэлэмнэнии биир ыарахан түһүмэҕинэн ыйааһын түһэриитэ буоларын этэр. «Спортсмен эрэ барыта бу нөҥүө ааһар. Холобура, билигин мин үс киилэни түһэрдим, өссө биэһи «үүрүөхпүн» наада», – диир кини.
- Оттон пауэрлифтинга Россия спордун маастара, мас тардыһыытыгар Саха сирин спордун маастара Марина Федоренко улахан күрэхтэһиигэ кыайыыны ситиһэр инниттэн ууну хана утуйар уонна үчүгэйдик сынньанар наадатын этэр. «Уонна, биллэн туран, дьаныардаахтык эрчиллиэххэ», – диэн мичээрдээн ылар.
- Саха сирин мадьынылара аан дойду чемпионатыгар бириистээх миэстэлэри ылыахтарыгар эрэллээхтэр. «Биһиэннэрэ, омук мадьыныларыгар холоотоххо, мас тардыһыытынан дьарыктаммыттара хас да сыл буолла. Онон, бары албастары, ньымалары толору баһылаатылар», – диир Яна Захарова.
- Биллэрин курдук, мас тардыһыытыгар аан дойду чемпионата Дьокуускайга сэтинньи 28-30 күннэригэр «Триумф» спортивнай комплекска буолуоҕа. Бу күрэхтэһиигэ 35 дойду мадьынылара кытталлара күүтүллэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети