Сайыҥҥы оскуоланы РНА член-корреспондена Никита Соломонов көҕүлээн үлэлэтэр. Сыл аайы оскуолаҕа үөрэнэр кыргыттар уонна уолаттар өрөспүүбүлүкэлэрин инникитигэр бэйэлэрин кылааттарын киллэрэллэр.

2002 сылтан ыла сайыҥҥы оскуола «Памятники природы и истории Средней Лены – Эллэйаада» чинчийии чэрчитинэн үлэлиир. Бу сайын эдэр чинчийээччилэр Сиинэ сирин-уотун үөрэттилэр. Кинилэр курустаал хайаны көрдөөтүлэр. Ону таһынан Биллээх өрүскэ тиийдилэр.

Ардахтан уонна күн уотуттан дьэргэлгэн курдук  чаҕылыйа оонньуур дьиктигэ тиийиэхтэригэр диэри оҕолор араас элбэх моһолу, мэһэйи туораатылар.

«Бу сиргэ тиийэр олус уустук, ол иһин быйыл эрэ оҕолорго көрдөрдүбүт. Сиинэ олохтоохторо да, үөрэнээччилэр да бу сири ураты болҕомтолоругар ыланнар харыстыахтара», - диэтэ  Прокопий Ноговицын.

Быйылгы экспедиция табыллыбытын учуонайдар да, оҕолор да бэлиэтээтилэр. Оҕолор уһун кыһын устата бу сэдэх булумньуларын туһунан научнай үлэлэри бэлэмниэхтэрэ уонна саҥа арыйыыларга бэлэмнэниэхтэрэ.