Балаҕан ыйын 19 күнүгэр саҥа сокуоҥҥа көннөрүүлэргэ уонна эбиилэргэ  анаммыт үлэ, социальнай харалта министиэристибэтин публичнай истиитэ буолла.  Оксана Винокурова эппитинэн, социальнай хааччыйыыга сыһыан тосту уларыйбыт. Итилэртэн биирдэстэрэ — социальнай өҥөнөн туһанааччы ити өҥөнү оҥорооччуну талар буолла. Муниципалитеттарга ити  сайдыахтаах.

Үөһээ-Бүлүү улууһун баһылыгын солбуйааччы Люция Тойтонова саҥа сокуону биһириирин эттэ. Ол курдук, урукку өттүгэр социальнай көмө биирдэ эрэ оҥоһуллар эбит буоллаҕына, билигин ыарахан быһыыга-майгыга ыктарбыт киһиэхэ тустаах бырагыраама оҥоһуллар. Үлэ, социальнай харалта министиэристибэтэ итинник бырагыраамалары оҥоруоҕа.

Суһал көмөнү оҥорор социальнай үлэһиттэргэ ноҕорууска улаатарын публичнай истии кыттыылаахтара бэлиэтээтилэр. Манна улуустар бэрэстэбиитэллэрэ, ИДьМ, УФСКН, министиэристибэлэр үлэһиттэрэ кытыннылар.