Билигин өрөспүүбүлүкэҕэ социальнай хантараак икки көрүҥэ дьайар — кыаммат соҕотох олорор киһиэхэ, ыалга уонна үһүс уонна онтон элбэх оҕолоох кыаммат ыалга.

Былырыын 100 тыһ.солк. кээмэйдээх көмөнү государствоттан Николаевтар дьиэ кэргэн ылбыттара. Бу үбүнэн-харчынан кинилэр оҕуруоттан киэргэли уонна сувенирдары оҥорон атыылыыллар.

Николаевтар үс оҕолоохтор. Социальнай өйөбүлү көрдөөн сайабылыанньа киллэрэр саҕана ыал ийэтэ үлэтэ суох этэ. Бу күһүҥҥүттэн ыла аҕалара таһаҕаһы таһыыга кэтэх предприниматель быһыытынан регистрацияламмыта.

Сувенир лааппытыгар Александра Иннокентьевна бэйэтэ оҥорбут киэргэллэрин таһынан нэһилиэнньэттэн ылан атыыга таһаарар. Бижутерия матырыйаала атыыга баар.