РФ бырабыыталыстыбатын бэрэссэдээтэлин солбуйааччы Дмитрий Козак, РФ-ҕа тутуу уонна дьиэ-уот, коммунальнай хаһаайыстыба миниистирэ Михаил Мень, «Внешэкономбанк» ГК бэрэссэдээтэлэ Владимир Дмитриев, тарыып федеральнай сулууспатын салайааччыта Сергей Новиков, «Мортон» ГК президенэ Александр Ручьев, о.д.а. кытыннылар.

Бу дьүүллэһиигэ Россия ДьКХ эйгэтигэр чааһынай инвестицияны тардыы государство ыытар политикатыгар биир сүрүн миэстэни ылар. Россияҕа быраап базата (10 федеральнай сокуон, 94 нуорма-быраап докумуоннара) бигэргэммит. Итиннэ олоҕуран барыстаах бизнеһи тэрийиэххэ сөп. Тутуу, ДьКХ миниистирэ Михаила Мень 2014 сылга итиинэн, уунан, электроэнергиянан хааччыйыыга 31 концессионнай сөбүлэһии түһэрсиллбитин туһунан эттэ. Михаил Мень бу ырыынакка үлэлиир компаниялары тилэри өйүүрүн эттэ.

Инвестордар көхтөөхтүк үлэлииллэр диир, билиҥҥитэ эрдэ. Маннык чааһынай компанияларга олохтоох уонна регионнааҕы былаас уорганнара сэрэхтээхтик сыһыаннаһаллар.

Манна уопутурбут салайааччылар эппиттэринэн, сорох-сороҕор команияларга олох тутаах салаатын итэҕэйэр табыгаһа суох. Саахалы таһааран баран эппиэтинэстэн куотуналлара баар суол. Былаас уонна бизнес сыаллара-соруктара араастаһаллар. Былаас уоргана ДьКХ эйгэтэ хаачыстыбалаах уонна толору буолуутун инники кирбиигэ тутар эбит буоллаҕына, бизнес сыала-соруга ордук үпкэ-харчыга туһаайыллар.

ДьКХ төлөбүрэ дьэҥкэ буоларын хааччыйар механизм суоҕа бу мунньахха этилиннэ. Манна түөкүттэр элбэхтэрин Владимир Дмитриев бэлиэтээтэ.

ДьКХ өҥөтүн оҥорор салайар компаниялар мантан ыла булгуччулаах лицензияны ылар буолуохтара. 2016 сыл тохсунньу 1 күнүгэр диэри салайар компаниялар баһылыктара экзамен туттарыахтара. Ону таһынан ГИС ДьКХ информационнай систиэмэни үөскэтэллэр. Бырабыыталыстыба вице-премьера Дмитрий Козак ДьКХ чааһынай инвестицияны киллэриигэ анаммыт быһаарыылар муниципальнай уонна оройуоннааҕы таһымҥа олоххо киириэхтээхтэрин ойуччу тутан эттэ.