Быйылгы дьаарбаҥка Арктика сылыгар ананар. Дьон олохтоох аһы-үөлү оҥорон таһаарааччылар бородууксуйаларын атыыласпыттарын таһынан араас куонкурустарга кыттыахтара, кэнсиэрдэри көрүөхтэрэ. Дьаарбаҥка бастакы күнүгэр «Строганина» куонкурус, арбуһу түргэнник сииргэ, ханааты тардыыга, оҕуруот аһын уонна фруктаны уус-ураннык быһыыга, киэргэтиигэ, о.д.а. күрэстэһиэхтэрэ.
Дьокуускайдааҕы килиэби астыыр кэмбинээт оҕолорго анаан «Күһүҥҥү натюрморт» уруһуйга, хоһоону ааҕыыга куонкурустары ыытыаҕа уонна минньигэс бэлэхтэри туттарыаҕа.
Сарсыарда 10.00 чаастан саҕалаан эстрада ырыаһыттара, тыа хаһаайыстыбатын академиятын студеннара, өрөспүүбүлүкэҕэ олорор аҕыйах ахсааннаах омуктар бэрэстэбиитэллэрэ кэнсиэр көрдөрүөхтэрэ. Өрөбүлгэ «Сахаплемобъединение» ААО Россия Дьоруойа аата ылбыт Михаил Готовцевка анаммыт эҕэрдэ кэнсиэригэр ыҥырар.
Быыстапка-дьаарбаҥка байаанынан доҕуоһуолламмыт үҥкүүнэн түмүктэниэҕэ.
Комментарии
Авторизация на сайте через социальные сети