Саха сирин баһылыга Егор Брисов үп-харчы кырыымчык кэмигэр нэһилиэнньэлээх пууннарга суолу-ииһи тутууга үп-харчы туттуллара ордугун бэлиэтээтэ. Миэстэтигэр чопчу уонна чуолкай быһаарыылар ылыллыахтаахтар. Чааһынай дьиэлэри кииннэммит ититиигэ холбооһуҥҥа анаммыт государство өйөбүлүн туһунан боппуруос туспа ырытыллыаҕын туһунан кини эттэ.

Егор Борисов тыа сирдэрин нэһилиэктэригэр үлэлээбэт чунуобунньуктары үлэлэриттэн тохтотору модьуйда.

Муниципалитеттар салайааччылара уопсастыбаннай сэбиэттэри нөҥүө нэһилиэнньэни кытта хорутуулаахтык үлэлиэхтээхтэрин эттэ.

Нэһилиэнньэлээх пууннары тупсарыыга анаммыт ыйаах олоххо киириитэ куһаҕана суоҕун ыйда. Сорох сирдэргэ государствоттан бэриллибит үбү-харчыны аһарар суумалаах үлэ ыытыллыбытын тоһоҕолоон бэлиэтээтэ.