«Сааһырбыт киһи уопсастыба олоҕор бэйэтин наадалаах курдук сананнарын ситиһиэхтээхпит. Үһүс кэм-кэрдии оскуолата социальнай тэрилтэлэр эрэ нөҥүө буолбакка, хас биирдии тэрилтэҕэ баар буолуон баҕарабын. Тоҕо диэтэххэ, хас биирдии кырдьаҕас киһи — ханна да хатыламмат, ханна да суох биилиин уонна уопуту мунньуна, иҥэринэ сылдьар. Кини кыаҕын сөптөөхтүке туһаныы биһиги ытык иэспит», - диэтэ кини. 

РФ Пенсионнай фондатаын Саха сиринээҕи салаатын салайааччыта Георгий Степанов эппитинэн, өрөспүүбүлүкэҕэ 60-тан аҕа саастаах 105 тыһ. киһи, 80 саастарын аһарбыт 10 тыһ., 100-тэн тахсыбыт 8 бэтэрээн баар. «Биһиги кырдьаҕас киһи олоххо көхтөөх буоларын ситиһиэхтээхит уонна ол көҕү сөптөөх хайысхаҕа салайан бириэхтээхпит», - диэтэ. 

«Ытык сүбэ» уопсастыбаннай тэрилтэ салайааччыта Люлия Григорьева кырдьаҕастар баҕа санааларын тиэртэ: «Биһиги ыра санаалаах буоллахпытына, биһиги олохпут уһуур. Пенсионердар үчүгэй курортарга, санаторийдарга сынньаныахпытын баҕарабыт», - диэтэ кини.