Бу бэлиэ тэрээһиҥҥэ суруналыыс доҕотторо, бииргэ үлэлээбиттэрэ, чугас дьоно муһуннулар. Кини туһунан элбэх итии-истиҥ тылы суруналыыстар, кыыһа  Татьяна Аргунова-Лоу эттилэр.

Таатта улууһуттан кэлбит делегация И.А.Аргунов төрөөбүт Игидэйигэр ыытыллар тэрээһиннэр тустарынан эттилэр. Эдуард Пкарскай аатын сүгэр Игидэйдээҕи орто оскуолаҕа сылын аайы научнай-практическай конференция, литературнай ааҕыылар ыытылаллар. 

Норуот суруйааччыта Андрей Кривошапкин Иван Аргуновка — Саха сирин суруналыыстарын сойууһун бастакы бэрэссэдээтэлигэр, сахалартан бастакынан социалистическай наукалар кандидидаттара ааты ылбыт учуонайга өйдөбүнньүк пааматынньыгы туруорарга этии киллэрдэ. Бу этиини суруналыыстар өйөөтүлэр.  

И.А.Аргуновка анаммыт кинигэ «Ими гордится Якутия» серияҕа 1800 ахсаанынан «Бичик» кинигэ кыһатыгар бэчээттэнэн таҕыста.