Биллэрин курдук, үлэни биэрээччи хас биирдии үлэһит иһин РФ пенсионнай фондатыгар страховой усунуоһу төлүүр. Бу усунуос үлэһиккэ хас биирдиилэригэр (страховкаламмыт дьоҥҥо) тэҥ гына үллэһиллэр.

2009 сыл от ыйын 24 күнүнээҕи федеральнай сокуоҥҥа ыйыллыбытынан 1996 сыл муус устар 1 күнүгэр 27 №-дээх «Булгуччулаах пенсионнай страхование систиэмэтигэр тус (персонифицированнай) учуот туһунан» федеральнай сокуоҥҥа уларытыылар киирбиттэрэ. Быраап нуорматыгар утарыта турсуу баарыттан РФ Үрдүкү суута 2010 сыл тохсунньу 1 күнүттэн от ыйын 30-гар диэри хатаан ааҕыыны оҥордо. Бу урукку 20% тарыыбынан ааҕылынна.

Саха сиригэр атырдьах уонна балаҕан ыйдарыгар РПФ бары управлениеларыгар үлэ пенсиятын хаттаан ааҕаллар.

Пенсия уонна эбии төлөбүр кээмэйдэрин туһунан пенсионнай фонда управлениетыгар кэлэн билсэр наадата суох. Ити барыта автоматически оҥоһуллар. Хаттаан ааҕыы кэнниттэн суума улаатыыта киһи киһиэхэ араас. Ити үлэни биэрээччи төһө страховой усунуоһу укпутуттан тутулуктаах.