Дьокуускайтан «Туйгун» ХЭТ ыйанар өһүөнү, хостор ааннарын, муостатын оҥорбуттара.

Быйыл оройуон администрацията үлэлэри бүтэриигэ эбии 2400 тыһыынча солкуобайы биэрбитэ. Олохтоох А.Л. Кадашников ИП биригээдэтэ пластиковай түннүктэри, металлочерепица кырыыһаны, уоттан харыстыыр ааннары оҥорбута, дьиэ иннин уонна ис өттүн сорох өттүн үлэлэрин толорбута. Билигин оскуола коллектива кырааска үлэлэрин ыыта сылдьар.

Ааспыт сыллаахха республика үбүгэр тымнытар оборудованиены, электротитаны уонна электрохобордооҕу уонна биир мойканы атыыласпыттара. Быйыл оскуола остолобуойун тэрийэргэ СР үөрэҕин Министерствотыттан 300 тыһ солк., олохтоох бюджеттан - 35 тыһ солк. ыытыллыбыта. Ол харчынан аһы ыытар ситим, астыыр уокка холбонор хочуол, эти эрийэр тэрил уонна мойка атыыласпыттара.

Саһыл орто оскуолатыгар билигин 72 үөрэнээччи, коллективка 31 киһи, 20 педагог үлэлииллэр. Быйыл Амма оройуонуттан уопуттаах музыка учуутала кэллэ. Администрация киниэхэ квартира биэрбитэ. Үһүс сылын психологка наадыйаллар.быйыл бүтэрбит тоҕус оҕоттон икки кыыс үрдүк үөрэххэ киирдилэр: биирэ медик, атына – учуутал идэтигэр үөрэнэллэр.

Коллектив быйыл 80 сыллаах үбүлүөйүн бэлиэтиэҕэ. Таас оскуола бүтүннүү олоххо киириитэ эбии бырааһынньык буолуоҕа.