Кинилэртэн үксүлэрэ – 24 ыал – үбү бэйэлэригэр үлэ тэринэргэ тутуннулар. Ол курдук, ыаллар мини-пилорама уонна номнуо мас бэлэмнээтилэр. Биир ыал такси сулууспатын тэриннэ, атыттар – маһынан оҥорууну уонна өссө биир ыал массыынаны диагностикалыыр аппарат атыыласта.

Үөһээ Бүлүүтээҕи нэһилиэнньэ социальнай харыстабылын Управлениета иһитиннэрэринэн, тустаах социальнай контракт быһыытынан социальнай көмө кыра оҕолоох дьахталларга балаһыанньаттан тахсар суол буолла. Кинилэргэ ити программа дьиэҕэ оҕо көрө олорон бэйэ дьыалатын арыйарга кыах биэрэр. Дьахталлар үксүлэрэ бэйэлэрин хоббиларын, дьарыктарын нэһилиэнньэҕэ өҥөнү оҥорууга салайдылар. Итинник гынан, улууска таҥас тигэр мастарыскыайдар, парикмахерскайдар уо.д.а. аһылыннылар. Дьиэ кэргэн дохуотун улаатыннарыынан улууска барыта 17 элбэх оҕолоох дьахталлар дьарыктаналлар.

Ити социальнай көмө өссө биир хайысхатынан олорор дьиэни уонна атын да хаһаайыстыбаннай тутуулары өрөмүөннээһиҥҥэ туттуллар. Ити хайысханы эдэр ыаллар хото тутуһаллар. Үөһээ Бүлүү улууһугар социальнай контракт үбүнэн 15 ыал олорор дьиэлэрин усулуобуйатын тупсардылар.

Итини таһынан, 10 ыал ити үбү тус подсобнай хаһаайыстыба сайдыытыгар тутуннулар. Кинилэр сүнньүнэн ынах уонна сибиинььэ атыыластылар. Үгүстэр хотон тутуннулар. Онон бүгүн кинилэр оҕолорун бэйэлэрин ынахтарын үүтүнэн хааччыйар кыахтаннылар.

Социальнай көмөнү ылбыт ыаллары арыаллааһын соруга Управление сүрүн специалиһыгар Тамара Боескороваҕа сүктэриллибитэ. Кини тус бэйэтинэн ыаллары кэтээн көрөр, уонна куруутун дьонун олохторо тупсубутун билэн олус үөрэр. «Үөһээ Бүлүү улууһун олохтоохторо көмө иһин махтаналлар уонна ити программа салгыы ыытылларыгар баҕараллар», - диэн Үөһээ Бүлүүтээҕи нэһилиэнньэ социальнай харыстабылын Управлениетыттан иһитиннэрэллэр.