Ол курдук, Ороһу нэһилиэгэр «Чөл олох-дьиэ кэргэн түһэ» диэн элбэх оҕолоох ыалларга аналлаах улуустааҕы тэрээһини ыытта. «Дьиэ кэргэн сыаннастара, оҕону төрөтүү уонна иитии» лекцияны музей директора Федора Васильева аахта,ол кэнниттэн дьүүллэһии буолла. Норуот педагогикатын музейыгар саха балаҕанын ис бараана оҥоһуллубута,онно ыалдьыттар үлэ уонна олох-дьаһах малларын историятын, саха омук үгэстэрин, урукку олоҕун уонна оҕолорун дьарыктарын билистилэр.

Күн иккис аҥарыгар оскуола директорын иитэр үлэҕэ солбуйааччыта Татьяна Кысылбаикова доруобуйаны чөлгө түһэриигэ уонна олоҕу уһатыыга хайысхалаах аныгы ньымалартан биирдэстэрин - скандинавскайдыы хаамыыны көрдөрдө.