СИА-ҕа ХИФУ-тан иһитиннэрбиттэринэн, Платон Ойуунускай «Дьулуруйар Ньургун Боотур» саха героическай эпоһын тахсыыта ХИФУ Олонхо Научнай-чинчийэр институтун 2.59.2 тэрээһининэн оҥоһуллубута. Кинигэ сүрүн редактора - Василий Иванов — СР академига, профессор, историческай наука доктора, ХИФУ Олонхо НЧИ директора.

Ити айымньы тылбааһа 10 сыл устата ф.н.к., ХИФУ доцена Алина Александровна Находкина салалтатынан ыытыллыбыта. Тылбааска ХИФУ тас дойду филологиятын уонна регионоведениетын Институтун үлэһиттэрэ, аспираннара, ХИФУ тылбааска кафедратын студеннара, республика биллэр тылбаасчыттара Алина Находкина, Альбина Скрябина, Софья Холмогорова, Зоя Тарасова, Людмила Шадрина, Варвара Алексеева кыттыбыттара.

Историяҕа аан маҥнайгынан саха эпоһын английскай тылга толору кээмэйдээх тылбааһа тахсар. Олоҥхону редакциялааһыҥҥа Канадаттан Жинивиев Перро, Renaissanse Books издательство директора Пол Норбери, Великобританияҕа 20-тэн тахса сыл олорор биһиги биир дойдулаахпыт, ф.н.к. Светлана Джонстон үлэлэспиттэрэ.

Сүрэхтэнии кэмигэр тэрээһин ыалдьыттара уонна кыттыылаахтара саха норуотун культуратын кытта тыыннаахтыы алтыһыахтара. Кини хомус тыаһын, олоҥхо толоруутун, тойугу, сиэр-туом үҥкүүтүн битиини, эҕэрдэ өрөгөй үҥкүүтүн истиэхтэрэ-көрүөхтэрэ уонна Оһуохайга кыттыахтара.