Үөрүүлээх тэрээһиҥҥэ «Бүлүү» федеральнай суол сүрүн тэрилтэтин суолу-көрөр истэр отделын салайааччыта Руслан Макаров, «Сунтаар улууһа (оройуона)» МО баһылыгын эбээһинэһин толорооччу Андрей Никитин, Сунтаар нэһилиэгин баһылыга Эдуард Филиппов, «Сунтаравтодор» тэрилтэ генаральнай директора Дмитрий Тен уо.д.а. атыттар кыттбыттара.

   Улуус, нэһилиэк салайааччылара суолу тутан үлэҕэ киллэрбит дьоҥҥо бэйэлэрин наҕараадаларын туттарбыттара. Үгэс буолбут кыһыл лиэнтэни Андрей Никитин, Эдуард Филиппов, Руслан Макаров, Дмитрий Тен уонна Феликс Васильев быспыттара. Ыыытыллыбыт үлэ хаачыстыбатын государственнай хамыыһыйа көрөн баран, биһирээбитэ.

Кырдьык да үтүмэн үлэ барбыт. Суолу бетоннааһыҥҥа, оҥорууга барыта 168 м³л. солк. ороскуоттаммыт. Бу үлэни толорор быраабы анал аукциону ааһан, тустаах тэрилтэ ааспыт сыл атырдьах ыйыгар ылбыта. Билигин кэлэн бэйэтин эбэһээтэлистибэтин толордо диэн үөрэ-көтө этиэххэ наада. Уопсайынан да бу кэлиҥҥи сылларга «Сунтаравтодор» тэрилтэтэ улууспут социальнай-экономическай сайдыытыгар үгүс кылаатын киллэрэр биир бастыҥ үлэлээҕинэн биллэр.