«Интэрнээти тутар туһунан бастакы көҕүлээһини оскуола дириэктэрэ Спиридон Спиридонович Шишигин оҥорбута. Биһиэхэ интэринээт бүтэригэр, чуолаан ис өттүн ситэрэргэ үп-харчы тиийбэтин туһунан эппиттэрэ. Онон, мунньахтаан баран төрппүттэртэн хомуйар, учууталлар, оҕолор кэнсиэрдээн уонна онтон киирбит үбү интэринээти тутууга ыытар туһунан быһаарыыны ылыммыппыт», - диэтэ төрөппүт кэмитиэтин салайааччы Фекла Варламова.

Интэринээти тутууга (саҥардыыга) куонкурус 2013 сыллаахха атырдьах ыйын 10 күнүгэр ыытыллыбыта. Манна кыайыылааҕынан «ГлавУКС» ХЭТ буолбута. Уопсайа 14 мөл. 195 тыһ.солк. суумаҕа бэдэрээччит тутууну 2013 сыл сэтинньи 30 күнүгэр түмүктүөхтээх этэ. «ГлавУКС» 8 мөл. 332,94 тыһ. солк. туһаммыта, хаалбыт үп-харчы хааһынаҕа төннөрүллүбүтэ. Үлэни түмүктээһин 2014 сылга диэри уһатыллыбыта.

«Эбийиэк билигин 75% бэлэм. Бырайыактааһыҥҥа алҕастар тахсыбыттарын түмүгэр эбии 4,8 мөл.солк. наада буолла», - диир инфраструктура сайдыытын начальнигын э.т. Туяра Манакова.

Интэринээти тутууга үбү-харчыны төрөппүт биэрэрин дуу, биэрбэтин дуу бэйэтэ быһаарыаҕа.