Быыстапка чэрчитинэн маннык номинацияларынан конкурстар ыытылыннылар: «Туттуллар быһахтар», «Уус-уран оҥоһук» уонна «Хомуллар быһахтар».

Таатта улууһун Ытык-Күөлүттэн сылдьар уус Сарыал Билюкин «Бастыҥ уус-уран быһах» номинацияҕа «Күөл иччитэ» үлэтинэн бастакы миэстэ буолла. Бу үлэ олус үрдүк таһымнаахык толоруллубут. Тутааҕа сэлии муоһуттан үрүҥ көмүс кыбытыктардаах, биитэ дамасскай ыстаал, хаата сылгы кылыттан оҥоһуллубуттар. Сарыал Билюкин маннык конрурстарга бастакы кыайыыта буолбатах, кини үгүс Бүтүн Россиятааҕы урнна аан дойдутааҕы күрэхтэһиилэр кыайыылаахтара. Биһиги маастары саҥа үрдэлгэ тахсыбытынан эҕэрдэлиибит уонна саха уустарыгар инникитин өссө ситиһиилэри баҕарабыт.