Сокуон барылын дьүүллэһиигэ депутаттар бюджет социальнай хайысхалааҕын уонна эбэһээтилистибэлэри толорууга ыарахаттары бэлиэтээтилэр.

Итини таһынан, народнай депутат Александр Ким-Кимэн атын субъектары уонна федеральнай былаас органнарын кытта алтыһыыга, туох-ханнык иннинэ үпкэ-харчыга сыһыаннаах, кыттыгас парламентскай-правительственнай кэмииссийэни тэрийэргэ эттэ.

Бюджеты хаҥатар сыалтан Госмунньах вице-спикерэ Виктор Губарев дэлэгэй баайга түһээни, арыгыны оҥорууга атыылааһыҥҥа государственнай монополияны киллэрэргэ эттэ. «Дойдуга харчы баар, онон биһиги барыс чааһыгар эбии үбү киллэрэр кыахтары көрдүөхтээхпит. Биһиги этиибитин истиэхтээхтэр», - диэтэ.

Итини тэҥэ парламентарийдар правительство бэрэстэбиитэллэригэр кэккэ сэмэлэри эттилэр, ол иһигэр «Мин Сахам сирэ - XXI-с үйэҕэ» общественнай хамсааһыны уонна атын да тэрээһиннэри үбүлээһиҥҥэ. Ити этиилэри кытта үлэ ахсынньыга диэри түмүктэниэ – онно бюджет барылын иккистээн ааҕыыга көрүөхтэрэ.