"Бу сыл от ыйын 14 күнүгэр уорбаланааччы Хатыҥ-Үрэххэ баар чааһынай дьиэтигэр ыаллыы олорор киһитигэр өстүйэн, кинини өлөрөргө санаммыт", - диэн СИА-ҕа силииэстийэлиир управление салайааччытын көмөлөһөөччүтэ Надежда Дворецкая эттэ.

Кини гарааһыттан «МР-153» булт саатын ылбыт уонна ыаллыы олорор киһи дьиэтигэр тиийбит.

Силиэдэбэтэллэр быһаарбыттарынан, кини ыалын көрөөт да, саатынан түөскэ кыҥаабыт уонна өлөрүөх буолан сааммыт. Эр киһи саа уоһугар түспүт уонна күүскэ утарыласпыт. Сааны аллараа баттаабытыгар В.Иванов ыппыт, ол түмүгэр буулдьа эр киһи тааһын уҥуоҕар түбэспит.

Ырыаһыт салгыы өссө да утарылаһа сылдьар киһини таһырдьа соһон таһаарбыт уонна бу киһини таба сатаан эбии  үстэ ыппыт.

Эчэйбит киһи кэргэнэ уонна бииргэ төрөөбүтэ В.Ивановтан сааны былдьаабыттар.

Эмсэҕэлэбит киһи балыыһаҕа эмтэнэр кэмигэр быраастар кини атаҕын быһарга күһэллибиттэр.

В.Иванов буруйун билиммэтэх. Ол эрээри, силиэдэбэттэллэр сөптөөх дакаастабылы хомуйбуттар. Дьыала суукка бэриллибит.