Чемпионат муҥутуур ыйааһыныгар бастыыр иһин киирсиилэргэ СР ИДЬМ-ын комендантскай ротатын үлэһитэ Баир Укоев кытынна. Бу ыйааһыҥҥа кыайыылаах буолар иһин 13 спортсмен туһунна, олортон икки аан дойдутааҕы кылаастаах спорт маастара, 2 Россия самбоҕа спордун маастардара бааллар.

Баир Укоев түөртэ туһунна, онно полуфиналга Усолье-Сибирскэйтэн кэлбит аан дойдутааҕы кылаастаах маастары, ыарахан ыйааһыҥҥа 2009 сыллаах аан дойду чемпионун Алексей Князевы кыайда.

Түмүккэ Баир, самбоҕа аан дойду үрүҥ көмүс призеругар – «Самони» спортивнай кулууп тустууга Абдулла Заировка кыайтаран, иккис миэстэни ылла, харчынан бириэмийэлэннэ.

Бочуоттаах үһүс миэстэни Евгений Лебедев – «Славутич» спортивнай кулууп спортсмена ылла.