Кини оҕолорго уһулуччулаах суруйааччы, биллиилээх государственнай деятель айар үлэтин кэпсээтэ кини "Өрүөл кэриэһэ", "Ийэм Дьэбдьиэкэй уҥуоҕар" уонна да атын хоһооннорун аахта. Үөрэнээччилэр ыйытыыларыгар хоруйдаата. Оҕолор аныгы суруйааччы айар үлэтин сэҥээрдилэр. Куорсуннаах хоһооннорун уонна кэпсээннэрин кинигэлэрин көрдөрдө, бэйэтин хоһооннорун аахта уонна лицей библиотекатыгар хоһооннорун хомуурунньугун бэлэхтээтэ.

Көрсүһүүнү тэрийээччи, лицей библиотекара Лидия Ивановна Константинова:

"Хас биирдии киһи бэйэтин төрөөбүт дойдутунан, норуотунан, сиринэн -уотунан уонна историятынан киэн туттуохтаах. Дойдуга тапталы, бэйэ сиринэн киэн туттууну, омугуҥ историятын ытыктааһыны иитэр сыалтан биһиги саха норуотун улуу уола Платон Алексеевич Ойуунускай 120 сааһыгар аналлаах нэдиэлэ чэрчитинэн бу суруйааччыны кытта көрсүһүүнү ыыттыбыт. Төрөөбүт литератураны таптааһын олус улахан иитэр суолталаах", - диэтэ.

Студеннар поэтесса, прозаик уонна СР үтүөлээх артыыската Елена Слепцованы — Куорсуннааҕы кытта көрсүһүүттэн улахан дуоһуйууну ыллылар.