Ангелина Лукина үөрэнээччилэрэ айар киэһэ сиэрин ситэриэхтэрэ, кэрэтик киэргэтиэхтэрэ: «Аар-Аартык», С.А.Зверев- Кыыл уолун аатынан үҥкүү национальн театра, «Эрэл», «Гулун», «Өркөн», «Кыталык», «Күндэл», «Сандал», «Сюрприз», «Тетрис», «Тэлээрис» үҥкүү ансамбыллара, ырыаһыттар Анатолий Бурнашев, Лэгэнтэй, Саарын уо.д.а. бу киэһэ ырыа-үҥкүү түһүлгэтин төрүттүөхтэрэ.

Ангелина Лукина — этническэй хореографияҕа бастакы доктор, научнай 5 монография ааптара, «Күндэл», «Өркөн», «Аар-Аартык», үҥкүү үс ансамбылын төрүттээччи, 44 сыл былаһын тухары хас да көлүөнэ култуура, искусство үлэһиттэрин иитэн таһаарбыт уһуйааччы. Кини айымньылаах үлэтигэр уһуйуллубуттар Россияны уҥуордаан тас дойду таһымыгар аатырбыт үҥкүү ансамбылларын билигин салайаллар, иилииллэр-саҕалыыллар. Кинилэр ортолоругар «Эрэл» (С. П. Толстякова), «Гулун» (Л. А. Никитина), «Сюрприз» (И. А. Егорова), «Сандал» ( С.Ф.Катаков), «Дружба» (В. И. Козлов) киэн тутта аатыахха сөп. А.Лукина бэйэтэ айбыт үҥкүүлэрэ аан дойду 30-тан тахса дойдуларыгар биһирэммиттэрэ.

 Айар киэһэ сэтинньи 21 күнүгэр, 19:00 чаастан А.Е.Кулаковскай аатынан норуоттар доҕордоһууларын дьиэтигэр буолар.

Касса: 32-82-96

АГИИК: 34-44-60, 89241682702, 89644224099