- Ол да иһин айар киэһэтин саха норуота сүгүрүйэр, дьон-сэргэ биһирэбилин ылбыт саха биллиилээх мелодиһа, ырыаһыта Христофор Максимов ырыаларынан таҥан, дьүһүйэн айар киэһэтин бэрт истиҥник, иһирэхтик биир дойдулаахтарыгар, кини талааныгар сүгүрүйээччилэригэр таһаарда. Куолаһын кылыһаҕа, дьүрүскэнэ дьүрүһүтэн бу ыллаатаҕа, туойдаҕа үчүгэйин!
- Фольклор-өбүгэ быстыбат ситимэ сайдарын туһугар уһун сыралаах үлэҕэ кыттыhан «Тойук» кэлэктиип сайдарын туhугар сыралаах үлэтин үрдүктүк сыаналыыбыт.
- Миитэрэй Сэмэнэбис! Оҕо дьоҥҥут олохторун ырыа–тойук аргыстааҥ, ыччат дьоҥҥут ыраларын ымыы ыллыктааҥ. Инникитин даҕаны Иэйэхситтии иһирэх санааҕыт арыаллаатын!
- Өрүү маннык эдэрдии эрчимнээх буол, олоҕу кытта тэҥҥэ хардыылыы сырыт, кытаанах доруобуйаны, чугас дьоҥҥор–сэргэҕэр дьолу–соргуну баҕарабыт. Эн талааныҥ Улуу Кыайыы 70 сылыгар алмаас таастыы күлүмүрдээтин, биир дойдулааҕын, айылҕаттан айдарыылаах чаҕылхай талааннаах С.А. Зверев–Кыыл Уола хоһуйбут иһирэх санаатын эн үрдүк ааккар, төлкөлөөх сүрэххэр тириэрдэбит:
- Ыра–төлкө
- Ыксаҕа кэллэ,
- Олоҥхо омуна
- Олоххо көһүннэ...
- Ыллыыр күн дьэ ыкта,
- Туойар күн дьэ туһаайда.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети