Олортон сүрүн уларыйыы – урут сэби-сэбиргэли туттан, ыар эбэтэр ураты ыар буруйу оҥорбут дьон саа ылар бырааба букатыннаахтык быһыллар. Биһиэхэ оннук 12 киһи бырааба быһыллыбыт.

Аны туран, от ыйыгар РФ Холуобунай уонна Административнай кодексаларыгар, «Сэп-сэбиргэл туһунан» федеральнай сокуоҥҥа уларыйыылар киирбиттэр. Ол уларыйыыларга олоҕуран, сааны харайыы, илдьэ сылдьыы ирдэбиллэрин кэһии иһин эппиэтинэһи күүһүрдэн, накаастабыл миэрэни ыаратан биэрдилэр. Холобура, РФ ХК 224-с ыстатыйатыгар 2-с чаас эбиллэн, икки сылга диэри болдьоххо көҥүл быһыллыан сөп.

Өссө биир сүрүн уларыйыы – киһи итирик туруктаах сылдьан, сааны илиитигэр букатын ылыа суохтаах. Оннук түбэлэтэҕэ саата былдьаныан, 2-тэн 5 тыһ.солк. диэри сууманан ыстарааптаныан, сааны илдьэ сылдьар бырааба 1-2 сылга быһыллыан сөп. Онтон медосвидетельствованиеттан аккаастанар түгэнигэр, 1-2 сылга лицензия уонна көҥүл ылар бырааба быһыллыан сөп.