Эрдэ иһитиннэрбиппит курдук, СӨ бырабыыталыстыбата буруйу оҥорууну сэрэтэр өрөспүүбүлүкэтээҕи программа чэрчитинэн, ити хайысхаҕа 500 тыһ.солк. сууманы көрбүт. Маны сэргэ, бырабыыталыстыба бу дьыл ахсынньы 6 күнүнээҕи уурааҕынан, 2004 сыл олунньу 12 күнүнээҕи уураахха уларыйыылар киирдилэр.

Бу уларыйыыларга олоҕуран, сокуоннайа суох харалла сылдьар сааны-сэбиргэли туттарыы иһин төлөбүр суумата үрдээтэ. Ол курдук, буулдьанан ытар сааны, аптамааты, карабины туттарыы иһин – 8 тыһ. солк (урут 3 тыһ. солк. этэ), бултуур саа иһин – 6 тыһ. солк. (2 тыһ. солк. этэ), ботуруону туттардахха – 15 солк. (10 солк. этэ) төлөнөр буолла.