Александр Акимовы Федеративнай тутулга, региональнай политикаҕа, бэйэни салайыныыга уонна Хотугу сир дьыалаларыгар комитет бэрэссэдээтэлэ Дмитрий Азаровы кытта толору састаабынан кэлэн эҕэрдэлээтэ, комитет бэрэссэдээтэлин бастакы солбуйааччы Степан Киричук эмиэ элбэх үтүө тылы эттэ. Саха сирин сенаторын Федерация Сэбиэтигэр бииргэ үлэлиир дьоно, доҕотторо ис сүрэхтэриттэн эҕэрдэлээтилэр.

Кинилэр ортолоругар Олох таһымыгар Бүтүн Россиятааҕы киин директора, РФ наукатын үтүөлээх деятелэ, экономическай наука доктора, профессор Вячеcлав Бобков, Россия Наукатын академиятын корреспондент-чилиэнэ, РФ Президенин киһи быраабыгар сүбэһитэ Вениамин Яковлев, уо.д.а. бааллара.

Александр Акимов харда тылыгар мустубут дьоҥҥо киниэхэ истиҥ тылларын иһин махтанна, инникитин даҕаны бииргэ таһаарыылаахтык үлэлииргэ эрэлин биллэрдэ.