«СӨ АПК-ын сүбэлиир-методологическай киинэ» автономнай тэрилтэ генеральнай дириэктэрэ Афанасий Софронеев этэринэн, маннык күннэри кыһыҥҥы суолу баттаһа, элбэх улууһу хабан ыытар былааннаахтар. Ааспыт нэдиэлэҕэ Амма улууһугар күннэри ыыппыттара.

Тыа сирин олохтоохторо мунаараллара үгүс: сири бас билиигэ, туһаныыга үөскээбит мөккүөрү быһааттарыы, эдэр специалист дьиэ туттарыгар көмө, баантан кредит ылар кыһалҕата, о.д.а. Ол иһин бу сырыыга Россельхозбаантан, Предпринимателлээһин министиэристибэтиттэн уонна сиргэ сыһыаннаах специалистары кыттыһыннарарга быһаарбыттар. Сирэй көрсөн кэпсэтэртэн көдьүүстээх суоҕа чуолкай.