Үгэскэ кубулуйбут кыһыл лиэнтэни быһа кырыйыы кэнниттэн ыалдьыттарга оскуоланы кэритэ сылдьан көрдөрдүлэр. Манна диэн эттэххэ, объект толору хааччыллыылааҕын таһынан олус сылаас. 160 миэстэлээх актовай саалалаах. Бэйэтэ кулууп кэриэтэ.

Актовай саалаҕа тэрээһин үөрүүлээх мунньаҕа буолла. Бэйэлэрин эҕэрдэ тылларын А.К. Акимов, Ф.В. Габышева, В.И. Тихонов, о.д.а. эттилэр. Бу кµннэргэ манна үөрэнээччилэр көһөн киирэн, үөрэх салҕаныахтаах.

Сарсыныгар, ахсынньы 3 күнүгэр, Кутанаҕа саҥа оҕо саада үлэҕэ киирдэ. Тустаах объегы биир сыл иһигэр бэйэлэрин уоллара Р.А. Трофимов салайар тутуутун тэрилтэтэ оҥорон киллэрдэ. Эмиэ толору хааччылыылаах, киэҥ-куоҥ, сырдык, сылаас дьиэ. Оҕо саадын сэбиэдиссэйинэн өр сыл устата Елена Петровна Трофимова үтүө суобастаахтык үлэлиир. Бу кини туттаран, үлэҕэ киллэртэрбит иккис оҕо саада буолар. Онон киниэхэ «СР үөрэҕириитин үтүөлээх үлэһитэ» бочуоттаах аат саамай сөпкө туттарылынна.

Саҥа оҕо саадыгар нэһилиэк уруку баһылыга, хомойуох иһин билигин биһиги ортобутугар суох Нь.В. Крыжановская аата иҥэрилиннэ. Оннук быһаарыыны оройуон Сэбиэтин депутаттар бу соторутааҕыта биир санаанан ылыммыттара.

Дьэ ити курдук улууска икки улахан тэрээһин буолла.