- Бу күн олохтоохтор үөрүүлэрин Саха Республикатын Правительствотын председателин солбуйааччы Виктор Омуков, Саха Республикатын үөрэҕин министрин бастакы солбуйааччы Василий Петров, республикатааҕы инвестиционнай компания генеральнай директорын солбуйааччы Иннокентий Аммосов, Ил Түмэн депутата Александр Ноговицын, Кэбээйи улууһун баһылыга Игнат Спиридонов, улуус дьаһалтатын ис дьыалатын дьаһайааччы Александр Сивцев, үөрэх управлениетын начальнига Саргылаана Гуляева, уо.д.а. үллэһиннилэр, үөрэнээччилэри, учууталлары, олохтоохтору истиҥник-иһирэхтик эҕэрдэлээтилэр.
- Ыҥырыылаах ыалдьыттарга оҕолор саҥа оскуолаларын үөрэ-көтө көрдөрдүлэр. XI кылаас үөрэнээччитэ Родион Тимофеев үөрэх кыһатын историятын билиһиннэрдэ.
- Оскуола музейыгар «Алгыс курдук олох» диэн буойун-учуутал, советскай-партийнай үлэһит Василий Колмогоров туһунан саҥа экспозиция аһылынна. Маны учуутал Анна Сивцева салайааччылаах үөрэнээччилэр «Ситим» кыраайы үөрэтэр түмсүүлэрэ хомуйан оҥорбут.
- Бу чааска саҥа оскуола аһыллыытыгар анаммыт үөрүүлээх тэрээһиннэр салгыы ыытыллаллар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети