- 1959 с. выпускниктарга анаммыт Мэҥэ тааһы биһиги кылааспыт киэн туттар киһибит, үтүөлээх геолог, сэмэй, сайаҕас санаалаах Семен Павлов бэйэтин баҕатынан үбүлээн көмөлөспүтэ биһигини барыбытын долгутта, инникитин кэпсэлгэ сылдьар үтүө холобур буолара чахчы.
- 1959 с. оскуоланы 35 оҕо бүтэрбиппит. Онтон 30-ча оҕо комсомол путевкатынан тыа сиринэн, Сангаарынан тарҕаһан производствоҕа үлэлии хаалбыппыт. 2-3 сыл үлэлээн баран бары тутуспутунан үөрэххэ киирэн үөрэнэн, үлэлээн, олох олорон, 75 сааспытын ааһан эрэр, билигин даҕаны эрчимнээх санаалаах сааһырбыт дьон буолабыт.
- Бу 35 оҕоттон 25 киһи үрдүк үөрэхтээх, 9 киһи орто анал үөрэхтээх. Хайдахтаах курдук күүһүй?! Сэрии саҕанааҕы ыарахан олохтыыныгар иитиллэн, кытаанах санаалаах, үлэҕэ-үөрэххэ дьулуурдаах патриот ыччаттар этибит. Хомойуох иһин, үгүспүт билигин суох…
- Үлэлээбит бастакы сылбытыгар кыра хамнастан, устудьуон стипендиатыттан кыттыһан тапталлаах оскуолабытыгар ыарахан сыаналаах пианино атыылаһанбэлэхтээбиппит. Бу инструмеҥҥа эрчиллэн, оччотооҕу ырыа учуутала Захар Степанов Ураллааҕы консерваторияны бүтэрэн композитор буолбута.
- Ол кэмҥэ оскуолабыт дириэктэрэ Саха Өрөспүүбүлүкэтин үтүөлээх учуутала Егор Эверстов хойутбиир көрсүһүүгэ: «Эһиги кылааскыт курдук оҕолор кэнники кэлбэтэхтэрэ», диэбитэ бэрт элбэҕи этэр. Бэйэтэ ол саҕана эдэр, өрөспүүбүлүкэҕэ биллэр хайыһардьыт, кыраһыабай, киһи барыта астына көрөр киһитэ этэ.
- Атын да учууталларбыт барысаха, нуучча бастыҥ ыччаттара этилэр. Кылааспыт салайааччыта нуучча тылын учуутала, университеты саҥа бүтэрэн кэлбит талааннаах педагог, кэнники Дьокуускай куорат горкомун сэкирэтээринэн уһуннук тахсыылаахтык үлэлээбит Анна Эверстова этэ.
- Бу дьон бары биһиги киһи быһыытынан үүнэн тахсарбытыгар сабыдыалы оҥордохторо.
- Биһиги бары таптыыр, киэн туттар табаарыстарбытыгар, улуус бэтэрээн учууталларыгар Д.С. Кокореваҕа, Е.В. Максимоваҕа Мэҥэ таас турарыгар көмөлөрүн иһин улахан махталбытын тириэрдэбит.
- Бу өрөгөйдөөх Кыайыы 70 сылын көрсө биһиги кэккэбититтэн туораабыт күндү доҕотторбутугар, «умнуллубат онус кылааспытыгар, таптыыр нарын эдэр сааспытыгар» сүһүөхпүтүгэр тура сылдьанөйдөбүнньүк Мэҥэ таас туруорбуппут бэйэ-бэйэбитигэр муҥура суох бэриниилээхпит бэлиэтэ буолан туруоҕа.
- Екатерина Макарова, үлэ бэтэрээнэ, агроном-сортоиспытатель,
- Кэбээйи оскуолатын 1959 с. выпускнига.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети