- Тэрээһин үөрүүлээх чааһын Андрей Скрябин уонна Аграфена Зыкова салайан ыыттылар. Оскуола үөрэнээччилэрэ суруйааччыга анаабыт хоһооннорунан, нэһилиэк дьахталларын вокальнай ансаамбыла “Хорообут” ырыанан эҕэрдэлээтэ.
- Оройуон баһылыгын бастакы солбуйааччы Семен Потапов өр сыллаах сыралаах үлэлэрин бэлиэтээн Елизавета Трофимоваҕа “РФ Уопсай үөрэхтээһинин бочуоттаах үлэһитэ” уонна педагогическай үлэ ветерана Светлана Герасимоваҕа “СР Учууталларын учууталлара” анал бэлиэлэрин туттартаата.
- Иван Птицын тэрээһин ситиһиилээхтик ыытыллыбытын бэлиэтээн туран, оройуон дьаһалтатын грамотатын педагогическай үлэ ветераннарыгар Афанасий Кузьмиҥҥа, Алексей Герасимовка, директоры иитэр үлэҕэ солбуйааччы Октябрина Васильеваҕа, “Эркээйи” хаһыат суруналыыһыгар Марфа Птицынаҕа, оройуон баһылыгын Махтал суруктарын учууталлар Антонина Тихоноваҕа, Александра Сергинаҕа, оройуон депутаттарын Сэбиэтин Бочуотунай грамотатын Светлана Ильинаҕа үөрүүлээх быһыыга-майгыга туттартаата. Ситиһиилээх үлэлээх учууталлар улуустааҕы үөрэх управлениетын грамоталарынан бэлиэтэннилэр.
- Быйылгы үбүлүөйдээх тэрээһиҥҥэ Хорообут орто оскуолатын үөрэнээччилэрэ кылаастарынан ирдиир-көрдүүр үлэлэри тэрийэн ыыттылар, суруйааччы туһунан биллилэр-көрдүлэр, арааппар-альбомнары бэлэмнээтилэр.
- Дмитрий Таас төрөөбүтэ 100 сылыгар аналлаах тэрээһиннэри тэрийиигэ, ыытыыга Хорообут орто оскуолатын коллектива, чуолаан саха тылын уонна литературатын учуутала Елизавета Трофимова, улуустааҕы культура, үөрэх управлениеларын салалталара төһүү күүһүнэн буоллулар.
- Ити курдук, саха литературатыгар саҥа аартыгы хотуулаахтык тэлэн испит биллиилээх суруйааччы Дмитрий Таас аатын бар дьоно ааттыыллар, бэлиэ түгэннэргэ ахтан-санаан ааһаллар. Е.Е.Трофимова улууска Дмитрий Тааска анаммыт ааҕыылары быйыл иккис төгүлүн тэрийэн ыытары ситиһиитэ кэнчээри ыччакка суруйааччы айымньылара үөрэтиллэ туруохтарыгар төһүү буолар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети