СИА корреспонденыгар бу тэрээһин туһунан Амма улууһунааҕы культура управлениетын иһинэн үлэлиир “Ситим” методическай киин испэсэлииһэ, фестивалы тэрийсибит Ольга Судиновабу курдук кэпсээтэ:

– Үҥкүүнэн дьарыктанааччы элбээн иһэр. Саас ортолоохторго хаһааҥҥытааҕар да элбэх киһи кытынна. Чурапчыттан кэлбит алта уоннаах Мария Баягантаева “Алааһым ахтылҕана” диэн үҥкүүтэ кэрэхсэттэ, сүрэҕи-быары долгутта. Амма Абаҕатыттан биэс уонун ааспыт Оксана Борисова узбекскай үҥкүүтүнэн сөхтөрдө. Уопсайынан, кыттааччылар таһымнара сыллата үрдээн иһэр. Урукку өттүгэр үксүн коллективынан үҥкүүлүүр буоллахтарына, билигин биирдиилээн толорооччу элбээн иһэр.

Сонун туруоруулаах, талааннаах үҥкүүһүттэргэ махтал суруктар туттарылыннылар. Түмүккэ, “Сулҕаччы нэһилиэгэ” МТ олохтообут 25 тыһыынча харчынан бириэмийэтин Л.Киренскэй аатынан Амматааҕы лицей “Кылыыҥкай” оҕо үҥкүүтүн коллектива (салайааччы Н.Колосова) ылан үөрүү өрөгөйүн билбит. Биирдиилээн толорооччуларга улуустааҕы культура управлениета олохтообут 20 тыһыынчалаах сертификатын эмиэ бу улуус Бөтүҥүттэн кэлбит ОДьКХ үлэһитэ Константин Попов ылбыт.

Ольга Николаевна эппитинэн, инникитин үҥкүү күрэһин улуус таһымыгар сыллата ыытары, онтон үбүлүөйгэ аналлаах тэрээһини биэс сыл буола-буола тэрийэрибылааннаабыттар.