Бу бэлиэ даатанан сибээстээн, ахсынньы 5-6 күннэригэрүөрүүлээх тэрээһиннэр ыытылыннылар. Ол курдук, “Билиҥҥи социокультура усулуобуйатыгар быыстала суох физкультура үөрэхтээһинин тэрийии” диэн Бүтүн Арассыыйатааҕы научнай-практическай конференция буолла. Манна педагогическай наука доктора, Красноярскай куораттан профессор А.И. Завьялов, педагогическай наука доктора, Сибиирдээҕи ГУФК профессора А.Г. Карпеев, педагогическай наука доктора, профессор А.А. Бирюков (Москва), медицинскэй наука кандидатаИ.Ф. Спресь (Краснодар) кыттыыны ыллылар. Россия государственнай университетын лечебнэй массаж уонна реабилитация кафедратын профессора, д.п.н. А.А. Бирюков: “Мин Чурапчы институтугар бу бэһис сырыым. Нуучча классическай массажка аналлаах маастар-кылааһыыыттым. Бүгүҥҥү күн олус сөптөөхтүк уонна толкуйдаахтык тэриллибититтэн сөхтүм уонна үөрдүм. Уопсайынан, атын институттары кытары тэҥнээн көрдөхпүнэ, эһиги институккут бастыҥнар кэккэлэригэр сылдьар. Спорт министрэ М.Д. Гуляев, ректор И.И. Гуляев бүгүҥҥү күнүнэн буолбакка, инникини көрөн үлэлииллэр. Институт өссө даҕаны сайдыа, мин санаабар, бу үөрэх кыһатыгар онуоха наадалаах барыта баар, ол олоххо киирэн туоларыгарбаҕарабын”, - диэн эттэ.

Иккис күн „Айылгы“ Култуура киинигэр үөрүүлээх чааска бастыҥүлэһиттэргэ нҕараадалары туттартаатылар. Ол курдук, учуонай сэбиэт бирикээһинэн, өр сыллаах эҥкилэ суох үлэлэрин, институт сайдыытыгар кылааттарын иһин “Бочуоттаах профессор” мэтээлинэн В.Г. Щербаков, А.И. Завьялов, А.А. Бирюков, “Чурапчы института сайдыытыгар кылаатын иһин“ анал бэлиэнэнИ.Н. Аммосов, А.П. Аргунова, В.Н. Алексеев, П.П. Архипов, В.Н. Логинов, Т.К. Колесова о.д.а, РФ „Бочуот знага“бэлиэнэнИ.И. Готовцев, “Петр Лесгафт” аатынан мэтээлинэн, “Чурапчы улууһун сайдыытыгар кылаатын иһин” 2-с степеннээхүрүҥ көмүс бэлиэнэн институту төрүттээччи М.Д. Гуляев, “Чурапчы улууһун сайдыытыгар кылаатын иһин” 3 степеннээх бэлиэнэнА.П. Оконешникова, Е.В. Пудов, Л.Т. Егорова наҕараадаланныллар.