Ол курдук, Орто Халыма улууһун Налимскай бөһүөлэгинээҕи Малаас учаастагын дулҕаттан, талахтан ыраастаан сири оҥорууга докумуон оҥоһуллубута. Онтубут бары кэрдииһи ааһан, улуустааҕы тыа хаһаайыстыбатын управлениетыгар 1 мөл. 882 тыһ. 493 солк. үп киирдэ. Итинтэн 293 тыһ. 756 солк. — федеральнай үп. Бу күннэргэ “С.В.Дауров” ИП-ны кытта дуогабардаһан, номнуо учаастакка үлэ саҕаланна. Бу бырагыраама 2020 сылга диэри ыытыллыахтаах, онон сири оҥоруу курдук тутаах боппуруос өйөбүлү көрсүбүтэ элбэҕи эрэннэрэр.

Быйыл улууска нуорманы таһынан халыҥ хаар түһэн, сылгыга ыарахан кыстык буолла. Букүннэргэулуусүрдүнэн 314 убаһаэбии аһылыккатуруорулунна. Баар балаһыанньаны таба өйдөөн, улуустааҕы тыа хаһаайыстыбатын управлениетакыһыҥҥы айан суола аһылыннар эрэ, 30 тоннакомбикорманынэһилиэктэринэнтарҕатарга бэлэм олорор.

Өссө биир кыһалҕанан бөрө мэнээктээһинэ буолар. Сыл устата4 ынаҕы, 28 сылгыны уонна 129 табаны тарпыттара бэлиэтэннэ. Уопсайа 26 адьырҕа бултанна. Билигин даҕаны сылгы, таба хаһаайыстыбаларын эргин 40-ча бөрө сылдьара биллэр. Үп боппуруоһа кыаллыбатынан, вертолетунан көтүү оҥоһуллубата. Онон олохтоох булчуттар бэйэлэрин кыахтарынан бултуурга күһэллэллэр.