ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
28 ноября 2013, 14:59

Покровскай 2 №-дээх оскуолатын үбүлүөйүгэр физиктэр сырыттылар


Покровскай 2 №-дээх орто оскуолатын 50 сыллаах үбүлүөйүн бэлиэтээһиҥҥэ саамай чаҕылхай тэрээһининэн «Хаҥалас улууһугар наука Күнэ» буолла. М.К. Аммосов аатынан Хотугулуу-Илиҥҥи федеральнай университет Физико-техническэй институтун ф-м.н. доктора Надежда Саввинова салайааччылаах 18 киһилээх профессорскай-преподавательскай делегацията ыҥырыллыбыт.

Хаҥалас улууһугар Наука күнүн ыытыы сыалынан үөрэнээччилэри физика наукатыгар уонна идэҕэ угуйуу саҥа хайысхатыгар болҕомтону тардыы буолар.

Делегация профессорскай-преподавательскай састаабыгар 5 кафедра сэбиэдиссэйдэрэ, 9 ст. преподавателлэр уонна 4 студент бааллар. Ыалдьыттар ортолоругар бу оскуоланы араас сылларга бүтэрбит, билигин ФТИ-ка ситиһиилээхтик үлэлии сылдьар радиофизика уонна электроника кафедратын ст. преподавателэ Сергей Васильев, теоретическай физика кафедратын доцена, ф-м.н. кандидата Светлана Ефремова сырыттылар. Көрсүһүү аһыллыытыгар Надежда Александровна ФТИ олоҕун-дьаһаҕын билиһиннэрдэ, оттон студеннар концерт көрдөрдүлэр.

Бу күн ортоку сүһүөх үөрэнээччилэрэ робототехника уонна ювелирнай маастарыстыба быыстапкатын көрдүлэр, ону таһынан космическай куйаар обсерваториятыгар сылдьан киинэ көрдүлэр, оттон улахан кылаас оҕолоро күн бастакы аҥарыгар учуонайдар лекцияларын иһиттилэр. Ону таһынан физикаҕа ГИА уонна ЕГЭ консультацияларыгар сырыттылар, онно Өктөмнөөҕү лицейтан, 1 №-дээх, 3 №-дээх, Ой, Улахан-Аан орто оскуолаларыттан үөрэнээччилэр кыттыстылар.

Күн бүтүүтүгэр администрация ФТИ үлэтин туһунан кэпсээбиттэригэр махтаннылар уонна салгыы бииргэ үлэлииргэ баҕаларын биллэрдилэр.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 997 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ