Кииҥҥэ доруобуйаларынан хаарчахтаах 100 оҕо сытан эрэ, өссө150 оҕо күнүһүн кэлэн эмтэниэхтэрэ. Манна аныгы тэрил туруоруллуоҕа, доруобуйаны чөлүгэр түһэрии саҥардыллыбыт методиката туттуллуоҕа. Тутууну сүрүн үбүлээччинэн «АЛРОСА» АК буолар.
Тутуу 10 тыһ. кв. м тахса иэннээх буолуоҕа. Бырайыак быһыытынан манна медицинскэй-доруобуйаны чөлүгэр түһэрэр блок,150 миэстэлээх остолобуой, 30 киһиэхэ гостиница, үс массыына турар сылаас сирэ, көнньүүһүнэ көрүллэр.
«Тутуу үлэҕэ киирдэҕинэ Дьокуускай куорат уонна чугастааҕы улуустар кыһалҕалара быһаарыллыаҕа. Инбэлиит оҕолорго, кинилэр дьиэ кэргэннэригэр өҥөнү оҥорууга саҥа таһымҥа тахсыахпыт», - диэтэ республика правительствотын бэрэссэдээтэлин солбуйааччы Алексей Дьячковскай.
Кини эппитинэн, Киин тутуллуутунан идэлээх үлэһиттэри бэлэмниэххэ, ону сэргэ инбэлиит оҕолору чөлүгэр түһэрии методикатын тупсарыахха наада.
Комментарии
Авторизация на сайте через социальные сети