Хампаанньа Саха Республикатын күнүн-дьылын туруга полигон тутарга олус тоҕоостооҕун ураты интэриэһиргиир.

Бастакы кэрдиискэ «BMW» концерн тургутар полигонун тэрийии боппуруоһа көрүллэр. Ити туһунан кэпсэтиилэргэ Дьокуускай куорат уонна Хаҥалас улууһун администрацияларын бэрэстэбиитэллэрэ, бас билии уонна сир сыһыаннаһыыларыгар Министерство, экономика Министерствота, инновационнай политикаҕа уонна наукаҕа Госкомитет, Россия Дьокуускайдааҕы ТДЬМ-тын бэрэстэбиитэлистибэтэ кытыннылар.

Итини таһынан, делегация сырыытын чэрчитинэн М.К. Аммосов аатынан Хотугулуу-Илиҥҥи федеральнай университет Автодорожнай факультетын кытта алтыһыы боппуруостарын дьүүллэһии буолла.

Ыалдьыттар Дьокуускай куорат уонна Хаҥалас улууһун территорияларыгар тургутар полигон тутуллуохтаах сирдэрин көрдүлэр. Итини таһынан Дьокуускай аэропордун, РФ Дальнай Восток Благовещенскай таможнятын Саха сиринээҕи таможеннай поһун уонна Россия куттал суох буолуутун Федеральнай сулууспатын Пограничнай салаатын бэрэстэбиитэллэрин кытта көрүстүлэр.

Тургутар полигон тутарга атын сирдэринэн Аляска штата (АХШ), Гренландия уонна Норвегия көрүллэллэр. Итини 2014 сылга быһаарыахтара.