“Быйылгы күрэхтэһиигэ Сунтаар улууһуттан уопсайа – 7, Ньурбаттан – 2, Мирнэйтэн биир хамаанда кытыннылар. Икки күннээх сытыы киирсии түмүгэр полуфиналга Күндэйэ уонна Кутана (Сунтаар), Чаппанда (Ньурба), Мирнэй хамаандалара таҕыстылар. Эрбии тииһин курдук эгил-тэгил эриһиигэ үһүс миэстэни Чаппанда хамаандата ылла. Иккискэ Мирнэй спортсменнара таҕыстылар. Бастакы бириистээх миэстэни Кутана волейболистара ылан улаханнык үөрдүлэр. Күндэйэлэр төрдүс буоллулар”, - диир Күндэйэ нэһилиэгин спортка инструктора Олимпий Иванов.

Кыайыы көтөллөммүт Кутана хамаандатыгар “Ураа!» хаһыы ньиргиэрин ортотугар 25 тыһыынча солкуобайдаах сертификат туттарылынна. Иккис миэстэлээхтэргэ – 20, үһүскэ – 15, төрдүс буолбут хамаандаҕа – 10 тыһыынчалаах сертификаттар туттарылыннылар. Маннык бэлэҕи Күндэйэ нэһилиэгин дьаһалтата оҥорон волейболистары улаханнык үөртэ, долгутта.

Маны сэргэ, анал номинациялар туттарылыннылар. Ол курдук, быйыл “Бастыҥ быһааччыга” бириисЯрослав Архангельскайга (Кутана, Сунтаар) туттарылынна. Бу анал бирииһи Дмитрий Степанов кэргэнэ Любовь Степанова туруорда. Күндэйэ нэһилиэгэ (баһылык ИванКонстантинов) уонна улуус спортка отдела (Денис Данилов) туруорбут бириистэринАртем Демидов (Мирнэй), Руслан Стручков (Күндэйэ) уо.д.а. ылан дьоннорун-сэргэлэрин үөртүлэр. Спортинструктор бэлиэтээбитинэн, күрэхтэһии сыллата сытыырхайан, кыттааччытын ахсаана эбиллэн иһэр.

Манна даҕатан эттэххэ, улууска бырааһынньыктааҕы тэрээһиннэр тиһиктээхтик ыытыллыбыт буоллахтарына, спортивнай күрэхтэһии аанын күндэйэлэр бастакынан астылар.