СР Предпринимательствоҕа уонна туризмы сайыннарыыга министерствота иһитиннэрбитинэн, тутуу эйгэтигэр 6117 дьоҕус уонна орто предприниматель (ол иһигэр ИП) үлэлиир. Маныаха кинилэр 16201 үлэ саҥа миэстэтин таһаарбыттар. Ааспыт сыл 43 мөл. солк. кээмэйдээх үлэни толрбуттар. Бу 2013 сыллааҕы көрдөрүүттэн 4% үрдүк.

СР архитектураҕа уонна тутууга министрэ Вера Кузакова дьоҕус уонна орто бизнес ардыгар бөдөҥ тутууларга кыайан кыттыбатын, онуоха кэккэ ыарахаттар баалларын бэлиэтээтэ. Маныаха министр матырыйаал сыаната үрдүү тураратутууну ыытыыга дьайарын бэлиэтээтэ. Кыһалҕаны быһаарарга тустаах үлэ ыытылларын эттэ, предпринимательство сылыгар республикаҕа туох үлэ былааннанарын билиһиннэрдэ.

“Адгезия” ХЭУо генеральный директора Михаил Охлопков тутааччылар көрсөр кыһалҕаларын уонна ону туоратар суоллар туһунан иһитиннэриитигэр: - Тутуу матырыйаалын, тиэйии-таһыы о.д.а. сыаната сыллата үрдээн иһэрэ кыһалҕаҕа кыһарыйар. Ордук хоту улуустарга бу боппуруос сытыытык турар. Сыана уларыйыыта тутуу тэрилтэлэригэрэмиэ бары өттүнэн охсуулаах. Үлэһит илиини булууттан саҕалаан, хамнас төлөөһүнүгэр, үлэ толоруллуутугар тиийэ, - диэн эттэ. Кыһалҕалары быһаарар туһуттан, тутуунан дьарыктанар бары тэрилтэлэр түмсэн программа ылыналлара наадатын, кэлимсэ миэрэ туһалаах буолуоҕун ыйда.

“Центрдомстрой” ХЭУо директорын солбуйааччы Игорь Николаев тэрилтэлэрэ тутуу ырыынагар бэһис сылын үлэлиирин, тэнийэн, сайдан иһэллэрин кэпсээтэ.

“Төгүрүк остуол” кыттыылаахтара санааларын үллэһиннилэр итиэннэ үлэ көрүҥүттэн көрөн производственнай нуорманы оҥорон бэлэмнииргэ, тутуу тэрилтэлэрин кыахтарын, кэскиллэрин сирийэн үөрэтэн баран консорциум, ол эбэтэр холбоһук тэрийэргэ, эдэр специалистары үлэҕэ көҕүлүүр миэрэлэри күүһүрдэргэ, тэрилтэлэргэ үөрэтээччи, сүбэһит баар буоларын ситиһэргэ, о.д.а. быһаардылар.