Өлүөхүмэҕэ 18 ыалга саҥа дьиэ күлүүһүн туттардылар

Ньиэби хачайдыыр 14 №-дээх станция уонна «Өлүөхүмэ» өрөмүөннүүр киин сулууспа 18 үлэһитэ саҥа квартираларын күлүүһүн тутта. Саха Өрөспүүбүлүкэтин бырабыыталыстыбата уонна «Транснефть» компания түһэрсибит дуогабардарынан тутуллубут саҥа дьиэ малааһынын үөрүүлүүлээх сиэрэ- туома Өлүөхүмэҕэ буолла.

Саха сирин бырабыыталыстыбата уонна «Транснефть» компания дуогабардарынан тутуллубут бу үһүс дьиэ үөрүүлээх тэрээһинигэр «Транснефть-Восток» компания салайааччыта уонна Өлүөхүмэ улууһун баһылыгын солбуйааччы Евгений Березин сырыттылар. Дьиэ тупсаҕай тиэргэннээх, оҕо оонньуур анал площадкалаах.

Бу иннинэ уопсайа 2,5 тыһ.кв.м иэннээх саҥа дьиэлэр 2010 уонна 2011 сылларга тутуллан үлэҕэ киирбиттэрэ.

Саҥа дьиэҕэ урукку өттүгэр дьиэтэ-уота суох уонна олорор усулуобуйаларын тупсарыыга наадыйар компания үлэһиттэрэ көһөн киирдилэр. Дьиэ алта квартирата Өлүөхүмэ муниципальнай уорганыгар бэриллиэҕэ. Квартиралары бюджет эйгэтин үлэһиттэригэр аныахтара.