Ол курдук бэтэрээннэр улуустааҕы сэбиэттэрэ, Орто Халыма куорат дьаһалтата, „Биир Ньыгыл Россия“ Орто Халыматааҕы салаата, пенсионнай фонда, нэһилиэнньэ дьарыктаах буолуутун киинэ, миграционнай сулууспа, айылҕа харыстабылын инспекцията, субсидия агентствота, ону кытта уус-уран самодеятельность артыыстара Бастакы Мээтис нэһилиэгэр тиийэн үлэлээтилэр.

Күн устата нэһилиэнньэни кытта көрсөн ким-туох кыһалҕалааҕын миэстэтигэр быһаарыстылар, сокуоннай саастарын сиппит эдэр гражданнарга сүрүн докумуоннарын – пааспардарын үөрүүлээх быһыыга-майгыга туттардылар, олохтоохторго концерт туруоран үөртүлэр.

Бу нэһилиэккэ 11 тыыл бэтэрээнэ олорор. Кинилэр ортолоругар Аҕа дойду Улуу сэриитин кыттыылааҕын огдообото Екатерина Васильевна Ядреева, үлэ фронун кыттыылааҕын огдообото Анна Афанасьевна Слепцовабааллар. Бу күн кинилэр олохторун-дьаһахтарын тиийэн билистилэр, бэтэрээннэргэ тугунан көмөлөһүөххэ сөбүн көрдүлэр-иһиттилэр. Онон ытык кырдьаҕастар Кыайыы күнүн көрсө туһааннаах көмө оҥоһуллуо диэн эрэх-турар сананнылар.