- Тыа хаһаайыстыбатын управлениета сүүстүүнэн үллэрэн, сүөһүлэри Күүкэйгэ, Куокунуга уонна Кириэстээххэ туруорар туһунан быһаарбыт. Ол эрээри куокунулар туруорар сирдэрэ суох буолан, тута аккаастаабыттар. Олохтоохтор судаарыстыба суотугар атыылаһыллыбыт боруода сүөһүлэр чааһынайдар илиилэригэр киирэн эрэр диэн, СӨ бырабыыталыстыбатын отчуотун кэмигэр оробуочай бөлөх салайааччыта вице-премьер Петр Алексеевтан туоһуластылар.
- Аны ыраах Калмыкияттан кэлбит сүөһүлэри көрөр-истэр «Кириэстээх» ТХПК үлэһиттэрэ ааспыт сыл сааскытыттан хамнастарын аахса илик эбиттэр. Онуоха ТХПК салайааччыта Владимир Егоров суһал сигнал аһара күүркэтиллэн этиллибитин эттэ уонна: «Хамнас бытаарда. Ол баар дьыала. Ол эрээри кулун тутардааҕы хамнаһы төлөөбүппүт ыраатта» , - диэн быһааран биэрдэ. Ааспыт сылга хаһаайыстыба бары үбүн-харчытын аҥардастыы тутууга, ол иһигэр саҥа гараж, хочуолунай, сылгы базатын тутууга ыыппытын быһаарда. Онон үүммүт сылга сүрүн болҕомто иэстэн-күүстэн тахсыыга, хамнаһы төлөөһүҥҥэ уонна саҥа кадрдары бэлэмнээһиҥҥэ ууруллуохтааҕын эттэ. Вице-премьерПетр Алексеевбу күннэргэ субсидия харчыта түһүөхтээҕин туһунан иһитиннэрэн, мустубут дьон өр сүгэһэр оҥостубут кыһалҕаларыттан чэпчээбит курдук сананнылар.
- Маны таһынан Ил Түмэн депутата Семен Березин салайар «Стерх» страховой хампаанньата ТХПК-лар баантан кредит ылалларыгар гарант буолбутун иһитиннэрдэ. Бу иннинэ хаһаайыстыба баантан кредит ылаары солуок быһыытынан хотоннорун уура сатаабыттар. Ону бааннар хотону сэҥээрбэтэхтэр, кредит биэрэртэн туттуммуттар.
- Былырыын Сунтаар улууһугар тыа хаһаайыстыбатын салаатыгар өрөспүүбүлүкэ бюджетыттан 308 мөл. солк. көрүллүбүт. Мантан 17 мөл. солкуобай - «Кириэстээх» ТХПК-ка өрөспүүбүлүкэ таһыттан сүөһүнү атыылаһыыга.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети