Ыйытыллыбыт дьон үс гыммыт биирдэрэ интэриэһинэй соруктары уонна бырайыактары ылыахтарын баҕараллар (37 %), оннук курдук ахсааннаах киһи луоһунастара үрдүүрүн күүтэллэр (33 %). Ол иһигэр салалта төһөнөн саҥа интэриэһинэй бырайыактарга үлэлэһэр да, оччонон специалистар 2014 сыллаахха карьералара үрдүүрүгэр дьулуһаллар.

Бүгүҥҥү күҥҥэ хас иккис киһи тугу кэтэһэрин салалтаҕа эппит (49 %), өссө үс гыммыттан биирдэрэ ону этэр былааннаах (30 %), уонна биэс гыммыттан биирдэрэ эрэ этэр санаалар суох (21 %). Сүнньүнэн, «саҥарбат» дьон итинник быһаарыныыларын ити туох да түмүгэ суох буолуо диэн этэллэр, ким эрэ тойоҥҥо хайдах чугаһыан билбэт, ким эрэ куттанар. Тугу кэтэһэрин этэргэ үгүстэр тус кэпсэтиини талаллар.

Бэлиэтээн эттэххэ, үксүгэр салалта үлэһиттэригэр утары бара сатыыр уонна кэтэһиилэрэ туоларыгар элбэх сыраларын уураллар. Ол да гыннар, үс гыммыттан биирдэрэ салалта кинилжр өйөөбөтүн, сорох түгэннэргэ кинилэр эрэллэрин уонна былааннарын олоххо киллэрэргэ мэһэйдэһэллэрин курутуйан туран кэпсээтилэр (5 %).

Ыйытыыны быйыл сэтинньи 13–25 күннэригэр Саха Республикатын хампаанньаларын 329 үлэһиттэрин ортолоругар HeadHunter чинчийии Сулууспата ыыппыт.

HeadHunter — бу Россиятааҕы интернет-рекрутмент эйгэтигэр баһылыыр хампаанньа, кини үлэтин Россияҕа, Украинаҕа, Белоруссияҕа, Казахстаҥҥа, Литваҕа, Латвияҕа уонна Эстонияҕа ыытар. 2000 сыллаахха тэриллибитэ. Хампаанньа бөдөҥ актива — тахсыылаах карьера hh.ru сайта, манна 299 386 ситиһиилээх вакансия базалаах уонна 11 690 217 резюмелаах. Хас нэдиэлэ ахсын hh.ru хампаанньа кэпсэтиигэ 436 803 киһини ыҥырар. Итини таһынан HeadHunter Career.ru сайтаах уонна Работа@Mail.Ru сайты бас билэр.