Ол курдук, ыам ыйын 26 күнүгэр „Боотур“ спортивнай саалаҕа улуус баһылыга Евгений Слепцов салайааччылаах дьаһалта бары үлэһиттэрэ ГТО нуорматын туттарыыга кыахтарын холоннулар.

Биллэн турар, күн бүгүн үлэлиир нэһилиэнньэ 100% физкультуранан дьарыктанар диэбэппит, оттон кэлэр сыллартан, ГТО булгуччулаах буоллаҕына, нэһилиэнньэ бэйэтин өрө тардыныаҕа, спордунан утумнаахтык дьарыктаныаҕа. Онон улуус дьаһалтатын үлэһиттэрэ бэйэлэрин тус холобурдарынан ГТО олоххо киириитин өйөөбүттэрин бэлиэтиэххэ наада.

Мантан салгыы, кинилэртэн холобур ылан, бары үлэ, үөрэх тэрилтэлэригэр ГТО-ну туттарыыга бэлэмнэнии барарыгар саарбахтаабаппыт.