Бу күннэргэ “Сахаэнерго” гражданскай оборонаҕа уонна ыксаллаах быһыыга-майгыга салаатын салайааччыта Борис Сивцев баһылактаах бөлөх Арҕахтаах, Сучино, КиэҥКүөл, Сыбаатай, Эбэлээх энергетическэй эбийиэктэрин үлэтин кытта билистэ.

Улууска энергетическэй эбийиэктэр үгүстэрэ 90-с уонна 2000 сыллар саҥаларыгар тутуллубуттара. Арай автоматизированнай дизельнэй электростанция 2013 сыллаахха тутуллан үлэҕэ киллэриллибитэ, билигин «эдэр» ДЭС быһыытынан биллэр.

Бэрэбиэркэ түмүгүнэн, баһаары утары үлэлэр сөптөөхтүк ыытыллаллара, быраабыланы кэһии суоҕа быһаарылынна. Бары ДЭС-тэр уоту умуруорар тэриллэринэн толору хааччыллыылаахтар. Сыбаатайга уонна Эбэлээххэ “Ураган”, “Тунгус” уоту бороһуогунан ыһан умуруорар анал дистанционнай оборудованиелар тураллар.