Төһө даґаны Халымаҕа бу кэмҥэ күн-дьыл туруга мөлтөөн турдар, нэһилиэнньэ хаартан иҥнибэккэ, тыалтан толлубакка чөл олоҕу уруйдуу хаамыыга турунна. Ол курдук кыратыттан саҕалаан кырдьаґаһыгар тиийэ 3318 киһи бу күн хаамта. Колоннаны улуус баһылыга, көҥүл тустууга республика чемпиона, Европаґа уонна аан дойдуга сумоґа призёра Евгений Слепцов салайан хаамтарда. Кинини кытта спорт бэтэрээннэрэ, биллэр-көстөр спортсменнар хаамтылар. Ол кэнниттэн тэрилтэлэр, оґолор, бэтэрээннэр туруннулар.

Бу курдук болдьоммут бириэмэҕэ хааман баран Орто Халымалар эстафетаны Владивосток куоратыгар туттардылар. Куораттары кытта быһа видеонан сибээс олохтонон, баһылыктар хардарыта эґэрдэлэстилэр. Бу күн хаамыы кыттыылаахтарыгар анаан дойду аґа баһылыга Владимир Путин кытта кэллэ.

Онон уһук хоту сытар, быйыл 45 кыраадыс тымныыга аһаҕас халлаан анныгар дискотеканы тэрийбит уонна Россия рекордун кинигэтигэр киирбит Орто Халыма Бүтүн Россиятааґы хаамыга кыттан өссө төгүл олоххо тардыһыытын, чөл олоҕу уруйдуурун туоһулаата.