Үгүс төрөппүттэри бу уустук кэмҥэ үрдүк үөрэх тэрилтэлэрин төлөбүрдэрэ үрдүүрэ дуу, уруккутунан хаалара дуу долгутар. Үөрэх тэрилтэтиттэн быһаччы билсиэххэ сөп, ол эрээри үгүстэр маныаха толорутук уонна аһаҕастык хоруйдуулларыгар саарбахтыахха сөп.

Дойдуга бүтүннүүтүгэр ыытыллыбыт ырытыы түмүгэ бу күннэргэ таҕыста. Ол көрдөрбүтүнэн, сорох үөрэх кыһаларыгар үөрэтии иһин төлөбүрдэр сүрүн төрүөтэ суох үрдээбиттэрэ бэлиэтэммит. Итинник дааннайы харчы төлөөн үөрэнэр устудьуоннардаах төрөппүттэр үҥсүүлэригэр олоҕуран сенатордар этэллэр.

Рособрнадзор, Үөрэх, наука министиэристибэтэ төлөбүр кээмэйэ улааппатын күн аайы бэрэбиэркэлиэхтээҕин кинилэр туруорсаллар. Үөрэх иһин төлөбүр доллары уонна евроны кытта дьүөрэлэһиэ суохтааҕын дойду сенатордара чиҥэтэн ыйаллар.