Сэбиэт үлэтин былааннаахтык саҕалаата. Ол курдук, ыйдарынан араас тэрээһиннэргэ, субуотунньуктарга кыттыы, көмө акциялары тэрийии торумнанна. «Ыллыыр урбаанньыт дьиэ кэргэнэ», «Бизнес-леди», «Товарищ» куонкурустар, илин эҥэр урбаанньыттарын икки ардыларыгар спортивнай күрэхтэһии, «Көмүс түгэн» хаартыска быыстапката уонна да атын араас тэрээһиннэр былааннаннылар.

Бу күннэргэ сэбиэт нэһилиэк дьаһалтатын кытта Улуу Кыайыы 70 сылын көрсө «Үтүөнүоҥор» көмө акцияны саҕалаата. Акцияҕа Чурапчы урбаанньыттара, тэрилтэлэр, олохтоох нэһилиэнньэ көхтөөхтүк кытынна. Ол курдук, Чурапчытааҕы гимназия коллектива (директорПосельскай Ю.П.), улуустааҕы уот ситимин тэрилтэтэ (Барашков В.Ф.), Чурапчытааҕы ис дьыала отделын коллектива (начальник э.т. Андреев К.А.), «Алмаасэргиэнбанк» коллектива (Пудов ВВ.), «Дорожник» ХЭТ коллектива (Владимиров Г.Г.), «Хатан» ХЭТ коллектива (Сивцев В.Д.), «Чурапчы» ТХПК коллектива, (сал. Аржаков Н.А.), «Маарыкчаан» ПО коллектива (Смирников Г.В.), «Кэскил» уһуйаан коллектива (Григорьева А.А.), «Мичил» уһуйаан коллектива (Яковлева М.Н.), үөрэх управлениетын коллектива (Павлова Т.В.), спорт управлениетын коллектива (Давыдов В.И.), Чурапчы нэһилиэгин дьаһалтата, «Маарыкчаан ыччаттара», Чурапчы нэһилиэгин урбаанньыттара: «Дебют» парикмахерскай, «Айылгы» кафе, «Сайдам», «Миа-опт», «Центрум», «Тап-Тал», «Сайдыы», «Одежда» маҕаһыыннар, «Эрэл», «Туйаара», «Аида» такси сулууспалара, «Трудовая Коммуна» тэрилтэ, биирдиилээн урбаанньыттар - меценат, попечитель Г.Г. Дагданча, Л.А. Яковлева, В.Н.Дьячковский, А.В.Макаров, Шадриннар дьиэ кэргэттэрэ, А.В. Андреева, В.С. Попов, Н.В.Максимов, П.Н.Калачев, бэтэрээн учуутал, пенсионер А.И. Барашкова, «Сырдык» киоск бары кэлэн көхтөөх кыттыыны ылан, дьон-сэргэ махталын ыллылар.

Акцияҕа 4 УАЗ бортовой массыына оттук мас, 10 куул бурдук, 10 куул собо балык, 3 кэбиһиилээх от, электросковорода, 4 куул саахар, 1 куул хортуоска, оҕо миинэр квадрацикла, сыаналаах таҥас-сап, бородуукта араас көрүҥэ, 10 кг ынах этэ, сиир арыы, суунар мал, канцтовар, атах таҥаһа, отон, уу харчынан 52 тыһ. 500 солк. киирдэ. Хомуллубут харчыттан суол оһолугар эмсэҕэлэнэн ыарахан туруктаах куоракка балыыһаҕа сытар биир дойдулаахпытыгар, Одьулуун нэһилиэгин олохтооҕор, 10-с кылаас үөрэнээччитигэр Седалищева Аэлитаҕа 32,500 солк. уу харчынан эмтэнэригэр көмө оҥоһулунна, хомуллубут табаар 20 элбэх оҕолоох кыаммат ыалга уонна соҕотох олорор 33 бэтэрээн кырдьаҕастарбытыгар тиксэрилиннэ.

«Норуот күүһэ - көмүөл күүһэ» диэн этэллэринии, Чурапчыбыт дьоно- сэргэтэ, урбаанньыттарбыт олус сонуннук, норуот кыһалҕатыгар болҕомто ууран, бу сылы түмсүүлээхтик, өрө көтөҕүллүүлээхтик саҕалаата.