- - Маннык күрэхтэһии биһиэхэ туһугар бырааһынньык курдук. Мин бэйэм манна тохсус сылбын кыттабын. Волейбол бырааһынньыгын тэрийэрин иһин предприниматель Юрий Яковлевка улахан махталбытын тириэрдэбит, - диэн Хаҥалас улууһун кииннэммит балыыһатын хамаандатын чилиэнэ Александра Васильева СИА корреспонденыгар үөрэ-көтө сэһэргээтэ.
- Салгыы Покровскай куорат дьокутааттарын мунньаҕын бэрэссэдээтэлиттэн Лариса Константиноваттан санаатын үллэстэригэр көрдөстүм.
- - Юрий Дмитриевич предприниматель быһыынан үлэлээбитэ 20 сыл буолла. Кини оҥорбут кылаата олус улахан. Предприниматель да, депутат да быһыытынан элбэх хайысхаҕа көмөлөһөр, үлэлэһэр. Киниэхэ инникитин улахан ситиһиилэри баҕарабын, - диэт эЛариса Давыдовна.
- Биир күнү тура тэбинэн барбыт күрэхтэһии түмүгэр «Медик» хамаанда (Покровскай) «Атлант» кубогын кыайыылааҕынан буолла. Иккис миэстэҕэ Булгунньахтаах күүстээх хамаандата таҕыста уонна үһүс миэстэҕэ Покровскай куорат волейболистара тигистилэр.
- Биирдиилээн бастыҥ оонньооччуларга анал бириистэр туттарылыннылар. «Бастыҥ көмүскээччи» аатын Мария Александрова (Нөмүгү) ылла, «Бастыҥ быһааччыга» бириис Женя Филипповаҕа (Покровскай) туттарылынна. «Бастыҥ оонньооччунан» - Юля Тоноева («Медик»), «Кэскиллээх оонньооччунан» - Айза Жиркова уонна «Волейболга бэриниилээх оонньооччунан» Лидия Яковлева (Улахан Аан) буоллулар.
- Тэрийээччилэр эһиилги X-с турнирга атын улуустар хамаандаларын кытыннарар былааннаахтарын эттилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети