Күн бүгүн улууска РФ уонна СР Суруналыыстарын сойууһун 13 чилиэнэ олорор. Ол курдук, Орто Халыма куоракка И.А.Оконешников, В.А.Третьякова, Н.Е.Третьяков-Колымчанин, А.Е.Софронова-Араскы, А.И.Колесова, А.Н.Белоногова, Ж.В.Константинова, Р.И.Ноговицына, Эбээххэ В.И.Ефимов-Сыркыс, Сыбаатайга И.Н.Сухомясов, Өлөөкө Күөлүгэр В.С.Бубякин, Е.Г.Винокуров, Арҕахтаахха Н.Е.Третьяков айа-тута үлэлии олоробут. Бу ааттаммыт дьон матырыйааллара улуус хаһыатыгар күннэтэ бэчээттэнэр. Кинилэртэн тоҕус киһи кинигэ ааптардарынан буолаллар.

Үөрэнээччилэргэ ким-туох айымньылааҕын билиһиннэрдим, үөрэххэ кытары туһалаах кинигэлэр баалларын көрдөрдүм.

Салгыы литературнай викторина ыытылынна. Манна оҕолор көхтөөхтүк кытыннылар. Элбэх ыйытыыга сөптөөх эппиэти биэрэн, Люба Лаптева викторина кыайыылааҕынан буолла, анал сертификатынан, минньигэс бэлэҕинэн бэлиэтэннэ.